समाचार

बुधबार ओली सरकारले दिएको उत्साहजनक सन्देश, जसले सारा नेपालीलाई खुसी बनायो

काठमाडौं । विश्वबजारमा आएको केही महिनामै नेपालमा कोरोनाभाइरस (कोभिड १९)विरुद्ध खोप लगाउन सुरु गरिएको छ । नेपालमा चाँडै खोप आउने र लगाउने विषयमा धेरैले विश्वास गरेका थिएनन् । र यसबारे सरकारी अधिकारीहरु प्रष्ट रुपमा केही भन्न सकिरहेका थिएनन् । तर, भारतमा खोप अभियान सुरु भएको १२औँ दिनमै नेपालमा पनि बुधबारबाट खोप अभियान सुरु भएको छ ।

विश्वभर १० करोड मानिस कोरोनाभाइर संक्रमण हुँदा २१ लाख ६७ हजारभन्दा बढीले ज्यान गुमाएका छन् । यस भयाभह अवस्थमा विकास भएका कोरोनाभाइरस विरुद्धको खोप नेपालमा आइपुग्ला या ल्याउन नसकिएला जस्ता प्रश्नले नागरिकको मनमा मात्रै होइन सरकारी अधिकारीलाई पनि चिमोटिरहेको थियो ।

यही बेला अक्सफोर्ड युनिभर्सिटी र एस्ट्राजेनेकाले विकास गरेको र भारतीय कम्पनी सेरमले उत्पादन गरेको कोभिड १९ विरुद्धको कोभिसिल्ड खोप नेपालमा आइपुगेको छ । बुधबारबाट खोप लगाउने अभियानको सुरुवात भएको छ ।

प्रधानमन्त्रीबाट उत्साहजनक सन्देश

बुधबारबार (आज)बाट कोरोनाभाइरसविरुद्धको खोप लगाउने अभियानको सुरुवात भएको छ । काठमाडौंको टेकुस्थित सहिद शुक्रराज ट्रपिकल तथा सरुवा रोग अस्पतालका निर्देशक डा. सागर राजभण्डारीले नेपालमै पहिलोपटक कोरोनाविरुद्ध खोप लगाएर अभियानको सुरुवात गरिएको छ । निर्देशक डा. राजभण्डारीसँगै डा. अनुप बाँस्तोला र डा. रुना झाले पनि कोरोना खोप लगाएर देशैभर कोरोना खोप अभियान सुरु गरिएको हो ।

बुधबार बिहान प्रधानमन्त्रीको सरकारी निवास बालुवाटारबाटै भिडियो कन्फरेन्समार्फत खोप अभियानको उद्घटान गर्दै प्रधानमन्त्री ओलीले तीन महिनाभित्र सबै नेपालीलाई निःशुल्क कोरोनाविरुद्धको खोप लगाउने बताएर नागरिकहरुमा उत्साह थपिएका छन् ।

‘यो खोप सबैको पहुँचमा हुनुपर्छ । गरिब धनी सबै देशको पहुँचमा हुनुपर्छ । करिब तीन महिनाभित्र हामीले सम्पूर्ण नेपालीहरुलाई खोप उपलब्ध गराइसक्ने छौं,’ प्रधानमन्त्री ओलीले भने ।

विश्व अर्थतन्त्र र सिंगो मानव जातिविरुद्ध देखिएको कोरोनालाई परास्त गर्न खोपको उपलब्धतासबैको पहुँचमा हुनुपर्नेमा जोड दिएका प्रधानमन्त्री ओलीले भने, ‘सक्ने देशहरुले नसक्नेहरुलाई निःशुल्क रुपमा कोरोना खोप उपलब्ध गराएर सिंगो मानव जातिको कल्याण गर्नुपर्छ ।’

बुधबारबाट पहिलो चरणको खोप अभियान सुरु भएको हो । यो अभियानसँगै काठमाडौं उपत्यकामा १७ वटासहित मुलुकभर १ सय २० केन्द्रबाट कोरोना खोप दिइनेछ ।

भारत सरकारले अनुदानमा उपलब्ध गराएको ‘कोभिसिल्ड’ नामक खोप पहिलो चरणमा बुधबार स्वास्थ्यकर्मी, सरसफाइकर्मी, एम्बुलेन्स चालक, शव व्यवस्थापन गर्ने व्यक्ति, खोप केन्द्रमा खटिने सुरक्षाकर्मी, वृद्धाश्रममा काम गर्ने कर्मचारीलाई दिइनेछ ।

Related Articles

Back to top button